.jpg)
"Qarabağ"ın Avropa Liqasının pley-off mərhələsindəki bütün potensial rəqibləri bəlli olub.
Sportinfo.az xəbər verir ki, "köhlən atlar"ın 1/16 finalda qarşılaşa biləcəyi mümkün komandaların adlarına Çempionlar Liqasında qrup mərhələsinin VI turunun oyunlarından sonra aydınlıq gəlib.
Ağdam təmsilçisi G qrupunda 2-ci pilləni tutacağı halda, pley-offda aşağıdakı kollektivlərdən biri ilə üz-üzə gələcək:
"Ayaks" (Niderland), "Bayer" (Almaniya), "Barselona", "Sevilya" (hər ikisi İspaniya), "Sportinq" (Portuqaliya), "Zaltsburq" (Avstriya), "Şaxtyor" Donetsk (Ukrayna), "Yuventus" (İtaliya).
"Qarabağ" bu gün sonuncu - VI turda Bakıda Almaniya "Frayburq"unu qəbul edəcək.
Hazırda 7 xalla 2-ci pillədə yer alan Ağdam təmsilçisi rəqibinə qalib gələcəyi halda, Yunanıstanda "Olimpiakos" və "Nant" arasında keçiriləcək digər görüşün nəticəsindən asılı olmayaraq, adını pley-offa yazdıracaq.
Avropa Liqasında 1/16 finalın püşkü noyabrın 7-də atılacaq.
