Heydər Əliyev Fondunun təşəbbüsü ilə keçirilən “Küləyə qalib gəl” adlı “Bakı Marafonu-2017”nin qalibləri məlum olub. Sportinfo.az xəbər verir ki, marafonda kişilər arasında birinci və ikinci yeri Türkiyə vətəndaşları Aslan Veyzi və Üzeyir Söyləməz, üçüncü yeri isə Rusiya vətəndaşı Vladislav Dimyanov tutub.
Yarışa ümumilikdə 13 mindən çox insan qatılıb. Qadınlar arasında finişə ilk çatan Türkiyə vətəndaşı olub. Yayla Kiriç Ali bütün rəqiblərini arxada qoyub. Marafonun ikinci yerini ukraynalı Valentina Poltovskaya, üçüncü yeri isə İran vətəndaşı Pevsina Arab tutub.
