“Ferrari” komandasının pilotu Sebastyan Fettel “Formula1” üzrə Azərbaycan Qran Prisinin sıralama turunda birinci olub.
Sportinfo.az xəbər verir ki, “üçlüy”ü “Mercedes”in sürücüləri qapayıblar.
Lüis Hemilton ikinci, Valtteri Bottas isə üçüncü olub. Aprelin 29-da saat 14:40 - 15:10-da pilotların trek paradı keçiriləcək.
Saat 15:56-da Azərbaycan Respublikasının Dövlət Himni səsləndiriləcək. Saat 16:10-da isə “Formula1” üzrə 2018-ci il Azərbaycan Qran-prisinə start veriləcək. Yarış 51 dövrə və ya 120 dəqiqəni əhatə edəcək.
