Təqaüddə olan azərbaycanlı müəllim 71 günə İstanbula gedib. Sportinfo.az xəbər verir ki, 71 gün velosipedlə səyahət edən Mingəçevir sakini Abid İsmayılov İstanbulu görmək arzusunu gerçəkləşdirib.
Səyahət zamanı o, 4 min km məsafə qət edib. Təqaüdçü müəllim olan İsmayılov illərdir şəkərli diabetdən əziyyət çəkdiyini və aktiv həyat tərzi ilə gümrah qaldığını deyir.
İsmayılov gələcəkdə də bu cür səfərlər edəcəyini bildirib: “Şəkərin nə olduğunu mən bilmirəm. Bu etdiklərimlə şəkər qalar?! Adi günlərdə saat 6-da yuxudan dururam. Hər gün 15 km yol qət edirəm”.
.jpg)
