.jpg)
Almaniya millisinin sabiq hücumçusu Miroslav Kloze Avstriyanın “Altax” komandasının baş məşqçisi təyin olunub.
Sportinfo.az xəbər verir ki, bu barədə sözügedən klubun mətbuat xidməti məlumat yayıb.
Xəbərdə bildirilir ki, Kloze ilə bazar günü rəsmi müqavilə imzalayacaq. Onun təqdimat mərasimi isə bazar ertəsi olacaq.
44 yaşlı mütəxəssis daha əvvəl Almaniya millisinin və “Bayern”in məşqçilər korpusunda çalışıb. O, Münhen klubunun U-17 komandasının baş məşqçisi də olub.
“Altax” Avstriya Bundesliqasında mübarizə aparır. Bu komandaya son olaraq Lüdovik Maqnin rəhbərlik edib.
.jpg)
