«Difai»nin mövsümün ikinci hissəsinə aid hazırlıq planı dəqiqləşib.
Bu haqda Sportinfo.az-a Ağsu klubunun baş məşqçisi Elgiz Kərəmli məlumat verib.
«Fədailər»in çalışdırıcısı bildirib ki, yanvarın 5-dən etibarən məşqləri bərpa ediblər:
«Bu il Birinci Liqada ilk oyunu fevralın 8-də olacaq. Ona qədər 5 yoxlama görüşü keçirməyi planlaşdırmışıq, artıq «Sabah»ın U-19 komandasına qarşı oynadıq.
Beş zədəli və iki yeni transferimizin meydana çıxmamasına baxmayaraq, oyunda müsbət cəhətlər çox idi, Futbolçulardan razı qaldım.
Digər görüş MOİK ilə olacaq. Yanvar ayının 24-31-i aralığında Bakıda təlim-məşq toplanışı keçəcəyik.
Bu toplanış çərçivəsində 3 yoxlama görüşü planlaşdırmışıq. İki rəqiblə razılığa gəlmişik,
Bunlar «Cəbrayıl» və «Şəfa»dır. Bir rəqibin kimliyi hələlik qeyrimüəyyəndir».