"Komandamızın hazırlığı çox yaxşı keçir".
Bunu Sportinfo.az-a açıqlamasında "Kəpəz"in mərkəz müdafiəçisi Nodar Məmmədov deyib.
Milli komandamızın sabiq üzvü klubda yaradılan şəraitdən razılıq edib: "Hazırlıq üçün hər bir şərait yaradılıb. Biz futbolçulara məşqlərdə var gücü ilə çalışmaq qalır.
Bu günə qədər 5 yoxlama oyunumuz olub. Şükür olsun hər şey qaydasında gedir".
Təcrübəli futbolçu yeni mövsüm üçün hədəflərindən də söz açıb: "Yaxşı heyətimiz formalaşıb. İnşallah, medallar uğurunda mübarizə aparacağıq".
