"Yeni mövsümə hazırlığımız yaxşı gedir. Bütün komanda məşqçilərin verdiyi tapşırıqları yerinə yetirir.
İlk həftə daha çox topsuz məşqlər oldu. Bütün futbolçular canl-başla məşqlərdə iştirak edir".
Bu sözləri Sportinfo.az-a açıqlamasında "Kəpəz"in yeni transferi Tural Rzayev deyib.
28 yaşlı yarımmüdafiəçi yeni mövsüm hədəflərinin çempionluq olacağını bildirib: "Komandamıza yeni transferlər edildi. Arasında Premyer Liqa təcrübəsi olanlar da var.
Düşünürəm ki, hədəf çempionluq olacaq. Çox yaxşı heyət formalaşıb".
