Konfrans Liqasında inamlı çıxışla yadda qalan “Zirə” növbəti səfərə hazırlaşır.
“Qartallar” 2-ci mərhələ çərçivəsində “Payde” ilə münasibətlərinə aydınlıq gətirəcək.
Sportinfo.az “Zirə”nin Estoniyaya səfər planını təqdim edir.
Qəsəbə təmsilçisi vətəni oyundan iki gün əvvəl – iyulun 21-də, günorta saatlarında tərk edəcək.
Nümayəndə heyəti çarter reysli təyyarə ilə Bakıdan Tallinə uçacaq (təxminən 6 saat). Paytaxtdan Pyarnu şəhərinə olan təxminən 2 saatlıq məsafə isə avtobusla qət olunacaq.
Həmin gün yol yorğunluğunu candan atmağa çalışacaq futbolçular ertəsi, yəni iyulun 22-də oyunun keçiriləcəyi stadionda mattçöncəsi son məşqinə çıxacaq.
İyulun 23-də “Rannastaadion”da baş tutacaq görüşün start fiti Bakı vaxtı ilə 20:00-da çalınacaq.
HƏBİB
