"Zirə"nin yarımmüdafiəçisi İsmayıl İbrahimli ölkə kubokunun yarımfinal mərhələsinin ilk matçında "Turan Tovuz"u məğlub etdikləri (2:0) görüşdən sonra Sportinfo.az-a müsahibə verib.
- Oyunu qısaca necə şərh edərdin?
- Ağır oyun oldu. Rəqib fərqli sistemdə çıxış edir. Gücünü bilirdik. Biz də yaxşı oynadıq. Əlimizə düşən fürsətləri dəyərləndirib qələbə qazandıq.
- Əvvəlki oyunlardan fərqli bu dəfə daha yaxşı "Zirə" gördük. Nə dəyişmişdi, nəyi dəyişə bilmişdiniz?
- Fasilədə yaxşı taktiki məşqlərimiz oldu. Baş məşqçinin tapşırıqları bu cür rahat oynamağımıza yol açdı.
- Cütün taleyini ilk oyundaca həll etdiyinizi demək olarmı?
- Yox, belə düşünmürəm. Qarşıda daha bir oyun var. Rəqib güclüdür. Cavab görüşünə ciddi hazırlaşmaq lazımdır.
- Qısa müddətdə "Zirə" üçüncü dəfə finalda oynamağa yaxındır. Titul şanslarını necə qiymətləndirirsiniz?
- İlk növbədə finala çıxmaq lazımdır. Ondan sonra bu barədə düşünərik. Amma biz də titul qazanmaq istəyirik.
XANOĞLAN İMANOV
