Daha bir ölkənin nümayəndəsi Misli Premyer Liqasının cari mövsümündə qol hesabını açıb.
Sportinfo.az xəbər verir ki, bu, 23-cü turun “Zirə” – “Kəpəz” oyununda baş verib.
2:2 hesabı ilə başa çatan matçın 5-ci dəqiqəsində hesabı açan “Zirə”nin oyunçusu Eren Aydın Türkiyənin bu mövsüm fərqlənən ilk futbolçusu olub.
Bununla Türkiyə Azərbaycan çempionatında cari mövsüm vətəndaşı qol vuran 36-cı ölkə olub.
Eren həm də “Zirə”nin heyətində fərqlənən 7-ci xarici ölkə təmsilçisidir. Qəsəbə təmsilçisinin Misli Premyer Liqasında 31 qolundan 27-si Niger, Braziliya, Belarus, Gürcüstan, Fransa, Almaniya və Türkiyə futbolçularının payına düşür.
“Qalatasaray”ın yetirməsi olan Eren Aydın “Zirə”yə ötən ay Ukraynanın “Veres” klubundan keçib.
