"Zirə" tarixində ilk dəfə Konfrans Liqasının pley-off mərhələsinə yüksəlib.
Sportinfo.az xəbər verir ki, “qartallar” III təsnifat mərhələsində Xorvatiya "Osiyek"indən üstün olub.
Cavab qarşılaşmasında 1:1 hesablı heç-heçə qeydə alındığı üçün əlavə vaxta ehtiyac duyulub. 30 dəqiqədə qapılara qol vurulmadığından penaltilər seriyasına ehtiyac duyulub.
Penaltilər seriyasında "Zirə"nin qapıçısı Tiaqo Silva 4 qurtarış edib. Qəsəbə təmsilçisinin qalibiyyətində böyük sahibi olan portuqaliyalı ötən il transfer olunub.
24 yaşlı qolkiper 2+1 illik müqavilə imzalayıb. Silva daha əvvəl ölkəsində “Vitoriya Gimaraynş”, “Leyşoyş” və “Trofense”nin şərəfini qoruyub.
Hazırda "transfermarkt" portalında Tiaqo Silvanın qiyməti 600 min avro olaraq göstərilir.
