.jpg)
Premyer Liqanın 22-ci turunun oyunları prinsipiallığı ilə diqqət çəkəcək.
Turun mərkəzi qarşılaşması Zirədə baş tutacaq. Ölkə kubokunda yarımfinala adlayan, turnir cədvəlinin 4-cü pilləsində yer alan zirəlilər 2-ci yerin sahibi “Sumqayıt”I qəbul edəcək.
Bu matçın yekun nəticəsi turnir cədvəlində yerdəyişmələrə səbəb ola bilər.
Rəşad Sadıqovun rəhbərlik etdiyi kollektiv “Sumqayıt” imtahanının ardınca “Neftçi” ilə üz-üzə gələcək ki, bu iki oyunun nəticəsi “qartallar” üçün dönüş nöqtəsi sayıla bilər.
“Zirə”nin yeni transfer Ceyhun Nuriyev Sportinfo.az-a açıqlamasında sözügedən görüşlərlə bağlı fikirlərini dilə gətirib:
“Həm “Sumqayıt”, həm də “Neftçi” çempionatdakı əsas rəqiblərimizdir. Onlara qarşı oyunlar heç də asan olmayacaq.
Hər iki matçda meydana qələbə üçün çıxacağıq. Ən vacib oyunlarımızdan olacaq. Bu görüşlərdə 6 xala ümid edirik”.
Fevralın 13-də Zirə İdman Kompleksinin meydanında keçiriləcək “Zirə” – “Sumqayıt” qarşılaşması saat 17:15-də başlayacaq.
HƏBİB / SPORTİNFO.AZ
