"Zirə"nin hücumçusu Toni Qomis Sportinfo.az-a açıqlama verib.
Qəsəbə klubu Türkiyədə keçirdiyi ilk yoxlama görüşündə qələbə qazandı.Rumıniyadan “Çindia" ilə sınaq matçında qazanılan qələbədə (3:2) 24 yaşlı forvard vurduğu 1 qolla öz töhfəsini verdi.
Bu, həm də Qviniya-Bisau yığmasının üzvünün "Zirə" karyerasında vurduğu ilk qol kimi yadda qalıb.
O, buna görə komanda yoldaşları və məşqçilər heyətinə təşəkkür edib:
"Qol vurmaq yaxşı hissdir. Buna görə sevinirəm və komanda yoldaşlarıma, baş məşqçimiz Rəşad Sadıqova “sağ ol” deməliyəm.
Çünki hər gün məşqlərdə üzərində çalışdığımız ötürmələrin faydası oldu".
XANOĞLAN