“Düşünürəm ki, Azərbaycan mənim üçün uğurlu ölkə olacaq”.
Bu sözləri Sportinfo.az-a açıqlamasında “Zirə”nin hücumçusu Filipe Paxtman deyib.
2021-ci ilin yanvarından ölkəmizdə çıxış edən braziliyalı legioner artıq Premyer Liqaya öyrəşdiyini bildirib.
Bu yay müqaviləsini 3 illik yeniləyən “sambaçı” ötən müddətdə ciddi zədələrə məruz qaldığını və ağır əməliyyatlar keçirdiyini xatırladıb, əlavə edib ki, çətin günlər arxada qalıb:
“Artıq uzun müddətdir ki, çempionatı izləyirəm və demək olar hamını yaxşı tanıyıram. Məqsədimiz hər oyunda qələbə qazanmaqdır.
Görək, ən yaxşı səviyyəmizə nə vaxt çatacağıq. Hara qədər irəliləyə biləcəyimizi çempionatın sonunda görəcəyik”.