«Zirə» ilə birillik yeni müqavilə imzalayan Davit Volkov yenidən çiyin nahiyəsindən əməliyyat olunub.
Sportinfo.az-ın məlumatına görə, gürcüstanlı hücumçu bu məqsədlə Türkiyəyə yollanıb.
İstanbulda cərrah masasına qaldırılan legioner hələ bir müddət qonşu ölkədə qalacaq.
İlyarım öncə «Qəbələ»dən «Zirə»yə gələn Volkov 3 ay yaşıl sahələrdən uzaq qalacaq. Onun yaşıl sahələrə dönüşü sentyabrdan tez baş verməyəcək. Hər halda həkimlərin məsləhəti belədir.
Gürcü 3 ay öncə də zədələnmişdi. Onda da «Neftçi» ilə matçda çiyni çıxmış, nəticədə Türkiyədə əməliyyaata məruz qalmışdı. Bu dəfə isə «Səbail»lə görüşdə çiyni təkrar yerindən «oynayıb».