“Avropanın bir çox klublarından təklif almışdım. Bu, müqavilə ilə bağlı olduğum “CaanAthletics” menecerlik firması vasitəsilə gerçəkləşib”.
Sportinfo.az xəbər verir ki, bunu qadın voleybolçulardan ibarət “Azərreyl” klubunun yeni transferi Romana Hudeçova deyib.
178 sm boya malik hücumçu ilə 1 illik müqavilə imzalanıb. Slovakiya millisinin 27 yaşlı hücumçusu Bakı təmsilçisini seçməsinin səbəblərini açıqlayıb:
“Hədəfləri, uğurlu keçmişi və klubdaxili idarəetmə səbəbindən “Azərreyl”ə üstünlük verdim. Azərbaycanlı və türk voleybolsevərlərə gözəl oyun nümayiş etdirəcəyimizə ümidvaram. Yeni mövsümdə Çelenc kubokunda final oynamaq istəyirəm”.