“Çempionata uğurlu start vermişdik”.
Sportinfo.az xəbər verir ki, bunu “Neftçi”nin kişi voleybolçulardan ibarət komandasının baş məşqçisi Pərviz Səmədov deyib.
O, komandasının Azərbaycan Yüksək Liqasında çıxışını dəyərləndirib. Mütəxəssis bildirib ki, hazırda vəziyyət o qədər də ürəkaçan deyil:
“Son bir neçə oyun istədiyimiz kimi alınmır. Bu mövsüm yaxşı komanda toplamışıq.
Bir voleybolçumuz da iki oyundur ki, heyətə qatılıb. Düşünürəm ki, onun da komandamıza uyğunlaşması üçün bir az zaman lazımdır.
Çempionatda daha maraqlı oyunlar hələ qarşıdadır. Səhvlərimizi düzəltməli və daha ciddi şəkildə məşqlərə davam etməliyik
. İnanıram ki, növbəti oyunlarda daha yaxşı çıxış edəcəyik və turnir cədvəlində də irəliləyəcəyik”.
