Qadın voleybolçulardan ibarət Azərbaycan millisinin yeni baş məşqçisinin adı dəqiqləşib.
Sportinfo.az xəbər verir ki, yığmamız yenidən Faiq Qarayevə həvalə edilib.
Azərbaycan Voleybol Federasiyasında vitse-prezident postunu tutan 64 yaşlı mütəxəssisin köhnə-yeni işində ilk sınağı Qızıl Avropa Liqasına təsadüf edəcək.
Müxtəlif vaxtlarda millinin baş məşqçisi olan Qarayev son olaraq komandamızı Yaponiyada keçirilən DÇ-2018-ə aparıb.
Yığmada sonuncu dəfə bu vəzifəni isə türkiyəli Ataman Güneyligil icra edib. AÇ-2023-də uğursuz çıxış səbəbindən onunla müqavilə artırılmayıb.
Onun təqdimatı dekabrın 27-də olacaq.