“Turan Tovuz”un aparıcı müdafiəçilərindən olan Roderik Millerlə bağlı müəmma aradan qalxıb.
Sportinfo.az xəbər verir ki, 32 yaşlı futbolçu yaxın günlərdə kollektivə qoşulacaq.
Panama millisinin heyətində Amerika kubokunda iştirak etdiyinə görə qərb təmsilçisinin məşqlərinə qatılmayan Miller baş məşqçidən bir həftəlik icazə alıb.
Çempionat başa çatandan sonra istirahət etməyə imkan tapmayan panamalı 6-7 gün dincəlmək üçün xahiş edib, müraciəti nəzərə alınıb.
Odur ki, müdafiəçi iyulun 15-i, ya da 16-da komandanın Türkiyə toplanışına qoşulacaq.
Maraq üçün bildirək ki, Roderik Millerin “Turan Tovuz”la müqaviləsinin müddəti 2025-ci ilin iyununa qədərdir.
HƏBİB / SPORTİNFO.AZ
