Bu gün “Sumqayıt”da yeni vitse-prezident təyinatı rəsmiləşib.
Sportinfo.az-ın məlumatına görə, Aydın Xəlilov klubda vəzifəsinin icrasına başlayıb.
O, klubun baş sponsoru “Azərikimya” ASC tərəfindən bura göndərilib. Xəlilovun səlahiyyət dairəsinə təşkilatı, inzibatı və digər məsələlər daxildir.
Xəlilov 10 avqust 1973-cü ildə anadan olub. Sumqayıt Dövlət Universitetinin məzunu olan Xəlilov həm də “Azərikimya” İB-nin Həmkarlar İttifaqının sədridir. Ailəlidir, 2 övladı var.
“Kimyaçılar”ın əvvəlki vitse-prezidenti Vaqif Ömərov olub. O, uzun sürən xəstəlikdən sonra bu il fevralın 23-də 69 yaşında vəfat edib.