“Sabahın ulduzları” Baku Kubokunun U-14 yaş qrupunda 2-ci tura start verilib.
Tur çərçivəsində “Zirə” “Vətən”lə üz-üzə gəlib.
"Qartallar"ın 0:1 məğlub olduğu görüşün 35-ci dəqiqəsində kobud hakim səhvi diqqət çəkib.
Belə ki, "Zirə"nin oyunçusunun qolu ofsayd səbəbindən qeydə alınmayıb.
Hakimlər epizoda nə az, nə çox 5 dəqiqə baxaraq bu qərarı verib.
"CBC Sport"dan canlı yayımlanan oyunun gedişində təkrar-təkrar ekrana gələn qol epizodunda ofsaydın olmadığı aşkar görünür.
Amma niyəsə VAR-da oturan referilər 5 dəqiqəlik məşvərətdən sonra qolu ləğv edir.
Bu hələ canlı yayımla təqdim edilən, VAR-ın tətbiq olunduğu oyunda verilən qərardır.
Görün, il ərzində çəkilişin olmadığı, VAR-dan istifadə edilməyən aşağı yaş qruplarının oyunlarında hakimlər nələr edir.
Hansı oyunlardan çıxır.
İllərdi bu barədə şikayətlər alırıq, narazılıqlar eşidirik.
"Zirə" - "Vətən" oyununda başverənlər şikayətlərin əsassız olmadığını göstərdi.
XANOĞLAN / SPORTİNFO.AZ
Aşağıdakı linkə daxil olaraq haqqında bəhs etdiyimiz videonu izləyə bilərsiniz:
.jpg)
