Azərbaycan Kubokunda 1\4 final mərhələsinə dünən yekun vuruldu.
Ötən gün "Sabah" səfərdə "Qəbələ" ilə üz-üzə gəldi.
Qəbələ şəhər stadionunda keçirilən qarşılaşmanın əsas vaxtı heç-heçə bitdi - 2:2.
İlk görüş qolsuz başa çatdığı üçün əlavə vaxta ehtiyac duyuldu. Burada 1:1 hesabı qeydə alındığından, penaltilər seriyasına gərək qaldı.
11 metrlik cərimə zərbələrini daha dəqiq yerinə yetirən (4:2) "Sabah" yarımfinalda "Qarabağ"ın rəqibi oldu.
"Kəpəz"i məğlub edən (2:0) "Turan Tovuz" da yarımfinala yüksəldi. Tovuz təmsilçisi finala gedən yolda "Zirə" ilə münasibətlərə aydınlıq gətirəcək.
Daha əvvəl "Sumqayıt"ı 2:0 (ilk oyun - 0:0) hesabı ilə üstələyən "Zirə" ilə yanaşı, "Şamaxı"nı məğlub edən (1:2, 3:1) "Qarabağ" yarımfinalda oynamaq hüququ qazandı.
Beləcə, Premyer Liqada ilk "dördlük"də qərarlaşan komandalar kubokda da üz-üzə gələcək. Bu isə avrokuboklar üçün mübarizə aparanların iddiasına və sayına müəyyən aydınlıq gətirdi.
“Sportinfo.TV”nin redaktoru İlkin Fikrətoğlu nğvbəti süjetini Azərbaycan Kubokunun 1\4 final mərəhləsinin yekununa həsr edib.
VİDEONU BU LINKƏ DAXİL OLARAQ İZLƏYİN
.jpg)
