“Qarabağda apardığımız mübarizəyə dəstək olmadılar” - Ərdoğandan 104 admirala cavab

5 Aprel 23:10 Sizdən Bizə 391
“Qarabağda apardığımız mübarizəyə dəstək olmadılar” - Ərdoğandan 104 admirala cavab

Türkiyə Prezidenti Rəcəb Tayyib Ərdoğan 104 admiralın imzaladığı bəyanatla bağlı iclas keçirib.

Sportinfo.az xəbər verir ki, prezident bunu zərərli cəhd adlandırıb.

“İfadə azadlığı “əks halda” ilə başlayan və seçilmiş rəhbərliyi təhdid edən bir açıqlamanı ehtiva etmir. Montrö sazişi dönəmin şərtləri daxilində vacib qazancdır. Montrö qazancları əhəmiyyətlidir və daha yaxşısını tapanadək buna sadiqik”, - R.T.Ərdoğan qeyd edib.

Onun sözlərinə görə, heç bir təqaüdçü dövlət məmurunun kollektiv olaraq buna cəhd etmək hüququ yoxdur:

“Biz bu admiralların, diplomatların son dönəmdə Kiprdən Qarabağa qədər apardığımız mübarizədə bir araya gələrək, ölkəmiz üçün dəstək bəyanatı yaydıqlarını görmədik. Həmçinin, onların 15 iyul çevriliş cəhdinə qarşı millətimizin yanında yer aldığını görmədik”.

Dünən Türkiyənin istefada olan 104 admiralı birgə bəyanat yayıb. Onlar Montrö konvensiyasını Türkiyənin diplomatik qələbəsi adlandırıblar.

Bəyanatı yayan admiralların fikrincə, həmin sənədə əsasən, Bosfor və Dardanel boğazlarında Türkiyənin suveren hüquqları bərpa edilib.

Buna görğə də Bosfor boğazına paralel olaraq keçəcək, Mərmərə və Qara dənizləri birləşdirəcək “İstanbul” kanalı layihəsi ilə əlaqədar razılaşmaya yenidən baxılması haqqında müzakirə qəbuledilməzdir.

Digər Xəbərlər
Xəbər Lenti
17 May 23:00 Bu il bağlanmayacaq?
17 May 17:00 Bu bonus sizin üçün