"Şamaxı"nın yarımmüdafiəçisi Andrey Trikoveanu qış təlim-məşq toplanışı çərçivəsində "Sabah"la baş tutan yoxlama görüşündən sonra (0:2) Sportinfo.az-a müsahibə verib.
- Qarşılaşma barədə nələr deyərdin?
- Yaxşı oyun keçdi. "Sabah" əla rəqibdir. Bu gün əsas hədəfimiz zədə almadan fiziki formamızı bərpa etmək idi. Onu da bacardıq.
- Uzunmüddətli zədədən qayıdırsan. Bu günləri necə arxada qoydun?
- Çətin 4 ay oldu. Əziyyət çəkdim. Maksimum məşqlərimi edirəm. Düşünmürəm ki, 100% hazıram. Xüsusilə fiziki vəziyyətimi düzəldib, komandama kömək etməyə çalışıram.
- Kənardan komanda yoldaşlarını izləmək necə idi?
- Çox çətin idi. Həftə içi bunun fərqində olmursan, amma həftə sonları oyuna baxanda ağır keçirdi.
- Kənardan komandanın performansı necə görünürdü?
- Komandamız yaxşı çıxış edir. Bəzi oyunlarda lazımsız xallar itirdik, şansımız gətirmədi. Amma indi olduğumuz yer, göstərdiyimiz performansdan məmnun və xoşbəxtik.
XANOĞLAN İMANOV
.jpg)
