"Şamaxı"nın kapitanı Leroy Mikels komandadan ayrılıb.
Sportinfo.az xəbər verir ki, almaniyalı hücumçu bununla bağlı İnstaqram hesabında paylaşım edib.
30 yaşlı legioner komanda ilə vidalaşıb:
“Yaxşı mövsümü arxada buraxdıq. Biz gözlənilməzi etdik. Komanda yoldaşlarıma, məşqçilərə, azarkeşlərə təşəkkür edirəm. Bu komandanın kapitanı olmaq şərəf idi. Tezliklə görüşənədək”.
Qeyd edək ki, Mikels 2024-cü ilin yayından “Şamaxı”da çıxış edirdi. Onun müqaviləsi iyununa 30-na qədər idi. O, "Şamaxı"da ümumilikdə 24 oyuna 5 qol vurub, 4 qol ötürməsi edib.
Xatırladaq ki, Leroy Mikelsin qardaşı Coy-Lens Mikels "Sabah"da çıxış edir.
Əlavə edək ki, dünən "Şamaxı" futbolçusu Brahim Konate ilə də yolları ayırdığnı açıqlayıb.
