Premyer Liqanın 21-ci turu çərçivəsində “Şamaxı” doğma meydanda “Turan Tovuz”u qəbul edib – 0:1.
Oyunu 200-ə yaxın yerli azarkeş, eləcə də Tovuzdan və Bakıdan Şamaxıya təşrif buyuran 50-yə yaxın tovuzlu futbolsevər izləyib.
Mərkəzi tribunada sürpriz qonaqlar da olub.
Gəncədən gələn “Kəpəz”in əlaqələndiricisi İlham Səmədov, həmçinin, klubun təhlükəsizlik xidmətinin rəisi Elmar Əliyev də “Şamaxı” – “Turan Tovuz” qarşılaşmasına stadiondan baxıb.
Maraq üçün bildirən ki, İlham Səmədovun oğlu Əli Səmədov qış fasiləsində “Kəpəz”dən ayrılaraq “Şamaxı” ilə anlaşıb və bu oyunda əsas heyətdə yer alıb.
HƏBİB / SPORTİNFO.AZ
