![Juninyonu "təqib" edən hücumçuya belə bir təklif var](https://www.sportinfo.az/media/2024/05/14/ramalinqomm1715460197.jpg)
«Səbail»in hücumçusu Aleksandr Ramalinqom yeni mövsümə «Sabah»da başlaya bilər.
Masazır təmsilçisinin yeni baş məşqçisi Krunoslav Renduliç madaqaskarlı legioneri bəyənib.
Xorvatiyalı çalışdırıcı 31 yaşlı forvardın adını transfer siyahısına daxil edib.
O, karyerası ərzində “Ayaçço”, “Beziers”, Sedan” (hər ikisi Fransa), “Virton”da (Belçika) oynayıb.
«Qarabağ»lı Juninyodan sonra 15 qolla Premyer Liqamızın bombardirlər siyahısında ikinci pillədə yer alan Ramalinqomun «dənizçilər»lə sözləşməsi mövsümün sonunda başa çatacaq.
Onun aylıq maaşı 18 min dollar civarındadır.
SPORTİNFO.AZ