.jpg)
“Transfer xatirinə kimisə gətirmək istəmirik”.
Bu sözləri Sportinfo.az-a açıqlamasında “Səbail”in baş məşqçisi Şahin Diniyev deyib.
O, ehtimal edir ki, zədəlilərin çox olması çempionatda komandaya əlavə problem yarada bilər:
“Turan Tovuz”la oyundan sonra komandada zədə sindromu başladı. Son turlarda sırf zədə səbəbindən 6-7 futbolçunun xidmətindən yararlana bilmədik.
Bu gün əziyyət çəkirik. Vəziyyət elədir ki, qış fasiləsində layiqli futbolçu tapmaq çətindir.
Yanvarın 22-dən fevralın 22-nə qədər çempionatda və kubokda 8 oyuna çıxmalıyıq.
Üç gündənbir matçlarda yükü darta biləcəyikmi? Bax, bu, mənim üçün böyük sualdır”.
