Onlar bizdən reytinqdə aşağıda olsalar da, yaxşı futbol sərgilədilər”.
Sportinfo.az xəbər verir ki, bu sözləri Azərbaycan millisinin müdafiəçisi Rəhman Daşdəmirov deyib.
O, Macarıstanın Sombatxey şəhərindəki “Haladaş” stadionunda San Marino üzərində 2:1 hesablı qələbə haqda ədən sonra fikirlərini bölüşüb.
Müsahib matçın gərgin keçdiyini vurğulayaraq komandanın oyuna müəyyən təzyiq altında başladığını bildirib:
“Şükür ki, qələbə qazandıq. Oyun başlayandan təlaşda idik. Malta ilə oyundan sonra uduzmaqdan qorxurduq. Həm də təlim-məşq toplanışı ağır keçmişdi, mövsümün sonu idi”.
R.Daşdəmirov rəqib komandanın reytinqdə aşağı pillələrdə qərarlaşmasına baxmayaraq, yaxşı oyun nümayiş etdirdiyini qeyd edib.
Müdafiəçi vurulan qolla bağlı da danışıb:
“Həmin epizodu tam incələmək lazımdır. Mənim fikrimcə, qolu mən vurmuşam, Renatın fikrincə isə o vurub. Bir dəfə də qol vurmağa yaxın oldum, top başıma sürtünüb keçdi”.
Milli komandanın qarşıdakı Millətlər Liqasına hazırlığı barədə danışan futbolçu nikbin olduğunu bildirib:
“Komandanın Millətlər Liqasına hazır olacağına inanırıq. Mənim də ümidim böyükdür. İnşallah, daha yaxşı hazırlaşıb daha yaxşı nəticələr qazanacağıq.
Buna inanmaq və meydanda yaxşı oynamaq lazımdır. İnanıram ki, yaxşı da oynayacağıq”.
