Azərbaycan Premyer Liqasının qalibi olan “Sabah” Çempionlar Liqasının hazırlıqlarına iyunun 17-də start verəcək.
İSportinfo.az xəbər verir ki, komanda təlim-məşq toplanışının ilk mərhələsini Avstriyada keçəcək.
İki həftəlik hazırlıq çərçivəsində bir neçə yoxlama matçı nəzərdə tutulub. Rəqiblərin adları daha sonra açıqlanacaq.
Premyer Liqada çempionluğu vaxtından əvvəl təmin edən “Sabah” ölkə kubokunu da qazanaraq mövsümü “qızıl dubl”la başa vurub.
Komanda Çempionlar Liqasında mübarizəyə I təsnifat mərhələsindən başlayacaq.
