Kristian Sebalyos "Sabah"ın məşqçilər korpusundan ayrılıb.
Sportinfo.az xəbər verir ki, bu barədə klubun yaydığı açıqlamada bildirilir.
İspaniyalı gənc məşqçi ilə müqaviləyə qarşılıqlı razılıq əsasında xitam verilib. O, karyerasını İtaliyada - "Fiorentina"nın əsas komandasında məşqçi kimi davam etdirəcək.
Sebalyos 2021-2024-cü illərdə "Sabah"da futbolçu kimi çıxış edib. O, bu ilin yayından əsas komandanın məşqçilər korpusunun üzvü idi.
Klub Sebalyosa xidmətlərinə görə təşəkkür edib, ona gələcək karyerasında uğurlar arzulayıb.
