"Qarabağ"ın baş məşqçisi Qurban Qurbanov Azərbaycan Premyer Liqasının XI turunun "Səbail"lə səfər oyununda texniki zonada yer almayıb.
Sportinfo.az xəbər verir ki, 48 yaşlı mütəxəssisin səhhətində problem yaranıb.
Amma bunun koronavirusla bağlı olmadığı bildirilib. Həkimlər ona 2-3 gün istirahət etməyi məsləhət görüblər.
Baş məşqçinin ötən gün komanda ilə birlikdə Ağdama yollana bilməməsi də eyni səbəbdən baş verib.
"Qarabağ"ı "Səbail"lə matça Qurban Qurbanovun köməkçisi Elçin Rəhmanov çıxarıb.
.jpg)
