“Cavab oyunda həm topla, həm də topsuz daha aqressiv olmalıyıq”.
Sportinfo.az xəbər verir ki, bunu Çempionlar Liqasının ikinci təsnifat mərhələsinin ilk oyununda Bakıda “Sabah”a 0:1 hesabı ilə məğlub olan “KuPS”un qapıçısı Yohannes Kreydi deyib.
Finlandiya komandasının 30 yaşlı avstriyalı kiperi qarşıdakı görüşdə qələbə qazanaraq mərhələ adlamaq istədiklərini deyib:
“Növbəti matçadan öncə liqada oyunumuz var. İlk matçda müdafiə olunmalı idik və çox əziyyət çəkdi.
Amma məncə, öz cərimə meydançamızda həqiqətən yaxşı müdafiə olunduq.
İndi isə evdə oynayacağıq. Əlimizdən gələni edəcəyik ki, məqsədimizə çataq”.
Tərəflər arasında cavab oyunu iyulun 28-də Finlandiyada keçiriləcək. Cütün qalibi növbəti raundda Danimarka “Orxus”u və Polşa “Lex”i arasındakı duelin güclüsü ilə üz-üzə gələcək.
.jpg)
