Tanınmış qapıçı Lukaş Fabianski karyerasını başa vurub.
Sportinfo.az xəbər verir ki, polşalı qolkiper 41 yaşında peşəkar futbolla vidalaşıb.
O, bu barədə “İnstaqram” səhifəsində məlumat yayıb. “Vest Hem”lə müqaviləsinin müddəti başa çatan Fabianski ötən mövsüm London klubunun heyətində cəmi bir oyuna çıxıb.
Təcrübəli qolkiper “Suonsi Siti”, “Arsenal”, “Legiya” və “Lex” klublarında da çıxış edib. Fabianski Polşa millisinin heyətində 57 matç keçirib, bunlardan 24-də qapısını toxunulmaz saxlayıb və 45 qol buraxıb.
