“Qarabağ” və “Tvente” arasında keçiriləcək Konfrans Liqasının pley-off mərhələsinin Bakıdakı cavab oyununa təyinat alan norveçli hakim Rohit Saqqi daha əvvəl Azərbaycan millisinin matçını idarə edib.
Sportinfo.az xəbər verir ki, 34 yaşlı FIFA referisi 2025-ci il oktyabrın 10-da DÇ-2026-nın seçmə mərhələsi çərçivəsində keçirilən Fransa – Azərbaycan qarşılaşmasında əsas söz sahibi olub.
Parisdəki "Parc des Princes" stadionunda baş tutan görüşdə yığmamız 3:0 hesabı ilə məğlub olub. Norveçli referi matç ərzində futbolçularımıza 2 sarı vərəqə göstərib.
2018-ci ildən beynəlxalq matçlara təyinat alan skandinaviyalı referi cari mövsümdə (2026/2027) avrokuboklarda 2 qarşılaşmada ədaləti qoruyub.
O, UEFA Çempionlar Liqasının 2-ci təsnifat mərhələsində "Kayrat" – "Omoniya" (7:5 pen.) və UEFA Avropa Liqasının 3-cü təsnifat mərhələsində "Iberia 1999" – "Larn" (2:1 əv.v.) matçlarını idarə edib.
Saqqi bu iki oyunda ümumilikdə 12 sarı, 1 ikinci sarıdan qırmızı və 1 birbaşa qırmızı vərəqəyə əl atıb.
"Qarabağ"la "Tvente" arasında cavab qarşılaşması avqustun 27-də Bakıda keçiriləcək.
