"Olimpiakos"un yeni transferi Marselo Yunanıstan təmsilçisindəki ilk oyununu Avropa Liqasının qrup mərhələsinin III turunda "Qarabağ"a qarşı keçirə bilər.
Sportinfo.az xəbər verir ki, 34 yaşlı müdafiəçinin Pirey təmsilçisindəki debütü məhz avrokubok matçına təsadüf edəcək.
Baş məşqçi Miçel Qonsales braziliyalı ulduz sabiq "Real"lı ulduza ikinci hissədə şans verməyi planlaşdırır.
Marselonun oktyabrın 2-də "Atromitos"a qarşı Yunanıstan Super Liqasının VI tur matçında meydana çıxacağı gözlənilmir.
Oktyabrın 6-da "Georgios Karaiskakis" stadionunda keçiriləcək "Olimpiakos" - "Qarabağ" matçı Bakı vaxtı ilə saat 23:00-da başlayacaq.
