“Legiya”nın baş məşqçisi Çeslav Mixneviç “Qarabağ”ın hücumçusu Mahir Emrelinin klubuna mümkün transferi ilə bağlı yayılan xəbərlərə münasibət bildirib.
Sportinfo.az Polşa mediasına istinadən xəbər verir ki, 51 yaşlı mütəxəssis bununla bağlı suala cavabında deyib:
“Gəlin, gözləyək. Transferlərlə bağlı bilmirsən necə olacaq. Mən heç vaxt müqavilə bağlamayana qədər futbolçunun adını açıqlamıram.
Hər şey ola bilər. Ümumən isə biz güclənmək istəyirik. O cümlədən, hücum xəttində”.
M.Emrelinin bu mövsümün sonu “Qarabağ”la müqaviləsi başa çatır. Futbolçunun agenti Tural Əsgərov “Legiya” ilə danışıqlar apardıqlarını təsdiqləyib.
