.jpg)
“Səbail”in keçmiş məşqçisi Emin Ağayev Rusiya ordusunda xidmət edə bilər.
49 yaşlı mütəxəssis Ukraynayla müharibə ilə əlaqədar səfərbərlik çərçivəsində silahlı qoşunların sıralarına çağırılıb.
Moskvada qeydiyyatda olduğu rayon üzrə hərbi komissarlığa yollanan Ağayev zəruri müayinələrdən keçib. Ona lazım gələcəyi vaxt Ukrayna ilə müharibəyə yollanacağı bildirilib.
1992-ci ildə “Neftçi” ilə Azərbaycan çempionu olan müdafiəçi sonradan Rusiyaya köçüb. Uzun illər oynadığı bu ölkədə vətəndaşlıq alan Ağayev bu ilin mayında “Səbail”dən ayrılıb.
Burada 3 il Aftandil Hacıyevlə çiyin-çiyinə işləmiş məşqçi 6 ay öncə AFFA-ya müraciət edərək, Azərbaycan vətəndaşlığı almaq istədiyini bildirib.
Vaxtilə millimizin formasını geyindiyi üçün federasiyadan kömək uman mütəxəssis dəfələrlə cəhd göstərməsinə baxmayaraq, qarşı tərəfdən hələ heç bir cavab ala bilməyib.
SPORTİNFO.AZ
