“Bizim çempionatda iştirak üçün yeganə stimul UEFA turnirlərinə vəsiqə qazanmaqdır“.
Bu sözləri Sportinfo.az-a açıqlamasında “Neftçi“nin idman direktoru Zaur Əzizov deyib.
O, xatırladıb ki, Premyer Liqanın bütün mənsubları bu vəsiqə uğrunda yarışır:
“Yəqin ki, Azərbaycan çempionatı bu mənada dünyada yeganə liqadır. Bütün iştirakçıların məqsədi avrokuboklardır.
Klubları da anlamaq olar, başqa heç bir stimul yoxdur.
Amma çempionatda komandaların müxtəlif məqsəd və hədəfləri olmalıdır - çempionluq, avrokuboklarda iştirak, əcnəbi futbolçuları yetişdirib satmaq, akademiyanı ön plana çıxarmaq və ya sadəcə təmsil etdiyi regionda futbolun kütləviləşdirilməsi və s“.
