“Yaş başa ağıl gətirmir, sadəcə, futboldan uzaqlaşandan sonra nəyin necə olduğunu anladım, gördüm“.
Bu sözləri Sportinfo.az-a açıqlamasında “Qəbələ“nin sabiq yarımmüdafiəçisi Pərvin Paşayev deyib.
Klub tapmayaraq ötən il Azərbaycandan gedən, hazırda Polşada bərbərlik fəaliyyəti ilə məşğul olan gənclər yığmasının keçmiş futbolçusu maraqlı etiraf edib:
“Elə adamlar var idi ki, onların yanında söz danışmamalıydım, amma danışırdım. Əslində sözün düzünü deyirdim, sadəcə, onu o adamın yanında deməməliydim, başqa cür danışmalıydım.
Futbolu elə vəziyyətə gətiriblər ki, bicliklərdən istifadə etməlisən. Siyasət, siyasət...“.
