16 aydır komada olan Qəhrəman Əliyev növbəti dəfə tibbi müayinədən keçirilib.
Bu barədə Sportinfo.az-a tanınmış məşqçinin qardaşı Seyran Əliyev məlumat verib.
Onun sözlərinə görə, yoluxma nəticəsində beyin insultu keçirmiş mütəxəssisin sağlıq durumu əvvəlkitək orta-ağırdır:
«Masallıya dəvət etdiyimiz həkim onu müayinə etdi. Yeni resept yazdı və dedi ki, gözləmək lazımdır. Bildirdi ki, xəstə hər an ayıla bilər.
Qardaşımdan bugünlərdə müxtəlif analizlər də götürülüb. Nəticələr ötəndəfəki kimidir.
Bir ay qabaq orqanları hansı vəziyyətdə idisə, bu gün də elədir. Əsas problem beyindədir».
