Avropa Superliqası ilə bağlı məsələ yenidən gündəmə gəlib.
Sportinfo.az xəbər verir ki, UEFA prezidenti Aleksander Çeferin də bu məsələyə münasibət bildirib.
O, Superliqa ideyasını dəstəkləyən klublara xəbərdarlıq edib: “Avropa Superliqası? Futbolla heç bir əlaqəsi olmayan bu layihə haqqında danışmaqdan bezmişəm.
Əvvəlcə onlar bu sərsəm ideyanı pandemiyanın ortasında ortaya atdılar, indi isə hərbi münaqişənin ortasında başqa bir şey planlaşdırdıqlarına dair məqalələr oxuyuram.
Onlar paralel dünyada yaşayırlar. Bu klublar öz turnirlərində oynaya bilər. Amma bunu etsələr, bizim turnirlərdə oynaya bilməyəcəklər”.
