İtaliya kubokunun yarımfinal mərhələsində keçirilən “Milan” - “İnter” matçından əvvəl müharibə əleyhinə aksiya keçirilib.
Sportinfo.az xəbər verir ki, futbolçular məşq edərkən meydana xüsusi köynəklərdə çıxıblar.
“San Siro” stadionunda “Milan”ın əfsanəsi Andrey Şevçenkonun Ukraynadakı vəziyyətlə bağlı videomüraciəti də yayımlanıb:
“Hörmətli italyan dostlar, sizdən xahiş edirəm ki, “San-Siroda” sülhü dəstəkləyəsiz. Ukrayna xalqı sülh istəyir, çünki sülhün sərhədləri yoxdur. Bizi birləşdirən şey bizi ayırandan daha güclü olmalıdır”.
Fevralın 24-də Rusiyanın işğalçı ordusu Ukraynaya hücum edib.
