Turan Manafov “Olimpiakos Volos”un sabahkı martın 2-dəki görüşündə iştirak edə bilməyəcək.
Buna səbəb azərbaycanlı futbolçunun koronavirusa yoluxmasıdır.
Belə ki, oyundan əvvəl komanda üzvlərindən götürülən testdə Turanın cavabı müsbət çıxıb. Həmyerlimiz müalicəsini 2 gündür karantin şəraitində davam etdirir.
“Olimpiakos Volos” Yunanıstanın ikinci Super Liqası çərçivəsində martın 2-də PAOK-un əvəzedici komandasını, ayın 6-da isə “Anagenkisi Karditsas”ı qəbul edəcək.
Solaxay müdafiəçinin martın 6-dakı qarşılaşmada iştirak edəcəyi gözlənilir. Təbii ki, testin cavabı mənfi olarsa.
Müqavilə ilə “Səbail”ə məxsus olan Turan Manafov “Olimpiakos Volos”la iyuna qədər icarə müqaviləsi bağlayıb. O, bu komandada 4 oyunda 337 dıəqiqə meydanda olub.
HƏBİB / SPORTİNFO.AZ
