Premyer Liqa və I Diviziona təyinat alan hakimlərin bir qrupu AFFA rəhbərliyinə şikayət edib.
Onlar Hakimlər və Hakim-İnspektorlar Komitəsinin sədri Fritz Stuxlikdən narazı qaldıqlarını bildiriblər.
«Ədalət təmsilçiləri» avstriyalı funksionerin həm işi, həm də bəzi futbolkənar davranışı ilə bağlı giley-güzarlarını diqqətə çatdırıblar.
Şikayətçilərin iddiasına görə, Stuxlik hakimlər arasında ayrı-seçkiliyə yol verir və bu zaman peşəkar prinsiplərə söykənmir, başqa amilləri nəzərə alır (burada söhbətin konkret nədən getməsi bizə bəllidir, sadəcə, müəyyən nüanslara görə detalları açıqlamaq istəmirik).
«Fit sahibləri» söyləyib ki, komitə sədri onlarla ünsiyyətdə heç nəyi nəzərə almır, sərt dillə danışır, bir çox hallarda isə aşağılayıcı tona keçir.
Narazı çevrənin aldığı cavab nə olub? Onlara deyilib ki, giley-güzarları araşdırılacaq, bir müddət gözləsinlər.
SPORTİNFO.AZ
