Polşa Futbol İttifaqının rəhbəri Tsezari Kuleşa FİFA-nın Rusiya millisi ilə bağlı qərarına münasibət bildirib.
Sportinfo.az xəbər verir ki, federasiya rəhbəri FİFA-nı kəskin tənqid edib:
“FİFA-nın biabırçı qərarına görə Polşa Futbol Federasiyası Avropadakı bütün federasiyalara məktub göndərib. Mövqeyimizi təqdim etdik və onlardan xahiş etdik ki, bizi dəstəkləsinlər. Axı biz yalnız birlikdə güclü olacağıq”.
Kuleşa FİFA-nın açıqlamalarına baxmayaraq, Polşanın Rusiya ilə oynamaqdan imtina etdiyini bildirmişdi.
Fevralın 27-də FİFA Rusiya komandasına himn və bayraqlardan istifadə etməyi qadağan edib.
Artıq Rusiya Futbol İttifaqı adlanacaq komandanın ev oyunları neytral meydanlarda keçiriləcək. Həmçinin, milli komandanın görüşlərinə rusiyalı azarkeşlər də buraxılmayacaq.
