Nə zamandır hər oyundan sonra «Neftçi»nin baş məşqçisi Samir Abasov hakimlərdən şikayət edirdi, amma bu dəfə tərsinə olub.
Kubok oyununda «Neftçi»yə 1:3 hesabı ilə uduzan «Sabah»ın baş məşqçisi Murad Musayev hakimlərdən şikayət edib. Və hətta AFFA-ya bununla bağlı müraciət edib.
Bütün oyunlarda hakim səhvi olur. Özü də bu daha çox Hakimlər Komitəsinin sədri, gərək ki, familiyası Stuçlik olsun, o gələndən sonra olub.
Yəni Azərbaycan hakimləri qırılıb ki, komitə sədrini xaricdən gətiririk?! Bu başqa bir yazının mövzusudur.
Bəli, həmin oyunda da hakim səhvləri vardı, amma bu səhvlər «Neftçi»nin qələbəsinə kölgə sala bilməz.
Murad Musayevi bir az çox təriflədik, elə bildi ki, Qurban Qurbanovdu. Muradın Qurban Qurbanov olmağına hələ çox var.
ƏDALƏT
