Britaniyanın xarici işlər naziri Liz Trass ingilis klublarına çağırış edib.
Sportinfo.az xəbər verir ki, nazir Sankt-Peterburqda keçiriləcək Çempionlar Liqasının finalını boykot etməyə çağırıb:
“İngilis klubları Rusiyadakı finalı boykot etməlidir? Bəli. Mən onların yerində olsaydım, boykot edərdim.
Şəxsən mən Putin rejiminin etdiklərini nəzərə alsaq, Sankt-Peterburqda futbol matçında iştirak etmək istəməzdim”.
Bundan əvvəl Britaniyanın iki nəşri – “Mirror” və “Daily Star” - Sankt-Peterburqun Çempionlar Liqasının finalına ev sahibliyi hüququnu itirə biləcəyi barədə məlumat yayıb.
London meri Sadiq Xan isə şəhərin Çempionlar Liqasının finalına ev sahibliyi etməyə hazır olduğunu açıqlayıb.
