«Hakimlər Komitəsi gənclərə düzgün yanaşmır».
Bu sözləri «Sportinfo TV»yə açıqlamasında sabiq FİFA referisi Rəhim Həsənov deyib.
Fritz Stuxlikin sədri olduğu AFFA Hakimlər və Hakim-İnspektorlar Komitəsinin fəaliyyətini tənqid edən beynəlxalq dərəcəli hakim federasiyanın bayrağı altında keçirilən aşağı yaş qrupları üzrə çempionatlarda idarəçiliyin bərbad vəziyyətdə olduğunu bildirib:
«Oyunların protokollarına baxsaz, nə qədər sarı və qırmızı vərəqə alanların olduğunu görəcəksiz. Sayı-hesabı yoxdur.
Verilən cəzaları araşdırın, elə oyun olmur ki, dava-dalaş düşməsin.
Əvvəl bizə öyrədirdilər ki, hakim həm idarəçi, həm də pedoqoq olmalıdır. Sən yalnız qaydaları öyrənməklə şablon hakimlik etməməlisən.
İndiki hakimlərə deyirlər ki, qaydalarda nə yazılıbsa, onunla qərar verməlisən, futbolçuların yaşını, çemipionatın səviyyəsini nəzərə almamalısan».
